Em di Yekîtiya giştî a Nivîskar û Rojnamevanên Kurd li Sûriya
(YNRKS) de û bi hêrseke mezin êrîşkirina turkiya li ser xelkên me li Efrînê û bombekirina xelkên sivîl, di bin siya sedemin ne rast de, û ji bo siyasetên turkiya ên dîrokî li dijî kurd û Kurdistan şermezardikin.
Herwiha em helwesta navdewletî û cîhanê jî şermezar dikin, ku li pêşiya vê dijminaya mezin bê deng mane, û bi taybetî dewletên mîna Rûsiya û Emrîka, ku serborên wan ligel kurdan di warê xedrê de hene.

Mîr Celadet Bedirxan dibêje; ”Ziman şertê heyînê a pêşî ye”

 

Di her salê de roja 15. Gulanê, em roja vejîna zimanê kurdî bibîr tînin. Îsal mûmiya 85 salan vedixin û li ser weşna tîpên kurdî yên latînî, ku cara pêşî di kovara Hawar de sala 1932 de li ser destê hêja Mîr Celadet Bedirxan hatibû nivîsandin, radiwestin.

Di 22 nîsana her salê de, nivîskar û rojnamevanên kurd roja rojnamegeriya kurdî pîroz dikin, çimkî ev bûyer bûye weke rojeke balkêş li nik wan.

Di vê rojê de, dîroka rojnameya yekemîn tînin bîra xwe û li ser rewşa wê radiwestin, bê çawa hêja Meqdad Medhet Bedirxan li Qahîrayê di sala 1898an de rojnameya ”Kurdistan” derxist û belavkir. Û herwiha li ser rewşa ragihandinê li cem kurdên rojava giftûgo dikin, û rola vê ragihandinê û rojnamegeriyê di civata kurdî de dinerxînin.

Gelê kurd li kurdistanê û li her cihekî heyî ahingê bi cejna Newroz dike, bi cejna netewî xwe ya netewî û dîrokî ya dikeve li 21ê heyva adarê, ku di rojek weha de û bi hezarê salan gelê me yê mezin li dijî stem û zordarî û tepeseriyê derket, û her ji wê rojê û heta vê rojê gelê me berdewam e li ser xebat û tekoşîna xwe ya li pêxema azadî û yeksanî û şerefmendiyê, ku gelê me bi dirêjahiya dîroka xwe ya dirêj rastî gelek êş û azar û derdeseriyan bûye yên hatîn ji aliyê zordest û dagîrkaran bi armanca jinavbirina nasnameya gelê me ya netewî û dîrokî û cografî bi rêka siyasetên regezperistiyê û koçberkirinê û jinavbirina mohra netewî û qirkirin û cînosayîdkirinê heta gihişta radeya bikaranîna çekên qedexekirî û kêmyawî li dijî gelê me wek kêmiyabarankirina Helepçe û hin bajarokên din yên kurdistanê li başûr û rojhilat li ser destê dagîrkaran li dijî gelê me yê şerfmend û azadîxwaz.