Digel ku rojname ya Kurdistan di jîngeheke biyanî de derketiye ȗ ji dervey sînor ȗ axa  kurdistanê derçiwe lê bi navê xwe yê xweș ȗ bi zar ȗ zimanê xwe yê șîrîn ji malzaroka doza kurdî derketiye ,kul ,derd ȗ azarên gelê kurd belav kiriye ,dilê kurdan li her cihî xweș kiriye ,wek sitêreke geș belê wek heyv ȗ rojê li azmanê kurdistanê hilatiye ,tîrêjên xwe yê geș bi ser xaka kurdistanê de berdaye.

Rojname ya Kurdistan dibe çavkaniya rojnamegeriya kurdî ,çem ȗ rȗbarê rojnamegeriya kurdî jê derdikeve ,ȗ diherike ku bi demê re çendîn cok ȗ cobr jî xwe lê digirin ȗ dikevin nava pêl ȗ șepêlên wî de.
Rojname ya Kurdistan dibe motika rojnamegeriya kurdî  ,dibe mak ȗ dayika rojnamegeriya kurdî ,ji zikê kurdistanê çendîn çêlîk ȗ zarok hatine der,wek     ( Hawar ,Ronahî ,…)
Ji koka kurdistanê çendîn șax ȗ çiqil kat dane ,li ser rêç ȗ șopa kurdistanê çendîn govar ȗ rojname di asmanê rojnamegeriya kurdî de hilatine ȗ serî hildane ,wek Rojname ya Kurdistan ya navendiya Partiya Demokrata Kurdistan – Sȗriya ( PDK-S ) ku nîv mihane tê çapkirin ȗ derxistin li ser wê rêçê ye ȗ heman nameya kurdayetî hildigire  ,pênasîna kêșe ȗ doza kurdî li sȗriya ȗ belav kirina wê girtiye ber xwe.       
Dîroka rojnamegeriya kurdî bi hejmara govar ,rojname ,malper ,dezgeh ȗ alavên ragihandinê zengîne ,hin jiwan hene ku di riya xwede berdewamin ȗ hin jî di rê de rawestihane lê ked ȗ mîrasa wan di vê dîrokê de xwiya ȗ berçave.
Lê pirsa ku xwe têne ser ziman ewe ku piștî sed ȗ bîst ȗ șeș salan ji derçȗna rojname ya Kurdistan rojnamegeriya kurdî di çi astê de ye? ,rola rojnamegeriya kurdî çiye? ,cihê wê di nav alav ȗ dezgehên ragihandina nȗjen ȗ modêrin li kiwe?.
Gelo rojnamegeriya kurdî kariye xwe bigihîne karwanê ragihandina serdemê ȗ pêre bilive ,ango li gor alav ȗ pêdiviyên ragihandinê xwe nȗjen bike ?.