Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Gotar: Kengî ev fîlimê dirêêêj dê bidawî bibe?.

 


Hoşeng OSÊ

Ev sere sê salan e, û Îran û Îsrayîl xwe lihev radikşînin. Ev sere sê salan e, û cîhan bihna xwe diçikîne, û dibêj: vê sale, vê mehê, vê hefteyê…, dê Îsrayîl li Îranê bide, da nehêle Tehran xwe bighîne çekên atomî. Îran, amadekariyên xwe yên şer dike, herwisa Îsrayîl jî, û rewş li ber teqanê ye, lê tan niha, tu şer û pevçûn nînin. Tenê gefxwarin û amadekarîne. Ev rewş, dişibhe fîlimekî dirêêêj ku nema dawiya wî, ne bi şer, û ne bi aştî tê.


Nûçegîhanê rojnameya Îngilîz "ze sandê taymz" Ûzî Mixyamî, ku bi têkiliyên xwe bi hêzên leşkerî û istxbaratî yê Îsrayîlê naskiriye, di raporeke xwe de got: "hêzên esmanî yên Îsrayîlê, li cola El-neqebê menewra û tetbîqatên leşkerî dikin, da xwe amadebikin jibo lêdaneke jinişkave û bidizî li sazî û dezgehên atomî yên Îranên". Ji alîkî din, belgeye fermî yê Îsrayîlê kete nav derstê ragihabdibê, dibêje; gerek Îsrayîl zû li saziyên atomî yê Îranê bide, û zêde guh nede xeyd û acisbûna Waşîntonê. Pêve girêdayî, serokê hêzên deryayî yên Îranê general Hebîbullah Seyyarî daxwiyand ku hêzên wî, çekên nû, keştî, û keşiyên binavê, û fûzeyên nû, di menewrayên ku li tengava Hurnuz û derya Ûmanê, dê bikarbînin.
Ji alîkî din, roja 22ê vê mehê, Îran dawiyan ku ew di roja 17 vê mehê, ajanê istxbarata Îsrayîlê, yê bi nave Elî Eşterî, ku hemwelatiyên Îranê ye, hate dardekirin. Ligel vê bûyerê, çevkaniyên istixbarta Îranî dibêjin; ku êdî di navbera Tehran û Tel Avîvê şerê istxbaratan lidare.
Eger Îsrayîl vê gefa xwe bi cih bîne, dê cara sêyemîn ku Tel Avîv êrîşî saziyên atomî yên xwetanê rojhilata navîn dike. Sala 1981ê, Îsraîl li saziya atomî ya Îrqê da, û di despêka vê sale de, Îsraîl li saziya atomî ya Sûriyê da bû. Îsrayîl dizanê ku eger Îran bibe xwediyê çekên atomî, dê rojhilata navîn ji destê wê biçe, û dê hebûna wê weke dewlet, têvene nava metirsiyên dîrokî. Îsrayîl dizane ku ev Îran e, ne Îraq û Sûriyê ye. Îsrayîl dizane ku Îran, senger û çeperên xwe li Gazze, Lubnan, Sûriyê û Îraqê baş kolaye. Îran jî, dizane ku ev Îsrayîl e, ne rêjîma Seddam Huseyn e. rewş digîştiye wê qûnaxê ku êdî çarseriyên normal û navber û orte…, nema qebûl dike. Îsrayîl ji xwe re dibêje; eger ez çav û pişt û serî li Îranê neşkînim, dê jiyana min li min bibe dojeh, û hebûna min têkeve bazaar şeytanan. Îran jî, wusa derbarê Îsrayîlê, eynî tişt, diram e.
Em weke gelê Kurd, li dijî şerin. Û em çiqas aştîxwazbin jî, eger şer navbera Îran û Îsrayîl rûbide, em nikarin wî rastînin. Dive em jibîrnekin ku ev şer, di navbera 2 dijminên me de, dê pêkbê. Îja Kurdno, şitarbin, amadekarî û hesabên xwe bikin. temaşevan bin, û haydrabin, ku win nebin êzingê vî şerî. Yekîtiya xwe pêkbînin, piştgirên hevbin. Her kes dizane ku dawiya vî fîlimî, dê dojeh be. Lê hatina dojehê, bi hezar qatî ji bendewariya wê çêtir e.

 
Gotar Nerîne Xwediyê Xwene
 

Puanên Nûçeyê

Asta Dengan: 5
Bi Tevahî Deng: 1


Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark