Ne ez

û ne dilê me û ne awaza kemana buharê

ji girî hez dikin.

Ma nayê bîra te?

Dema pala me li hilatina tavsorkê û çavê me

di nava dîmena gulistana gulên bi grî melûl melûl

li bilûra xemdar guhdar dikir…û

me digot,

her rondikek ji dengvedana girî

êleke,

oleke,

miriyeke,

goreke ji goristanên kenkuj!

Ez ji girî hez nakim

tu jî negirî…bila kulilikên feraþîn bi kenê te sond bixwin

bila kanî û çemên welatê min ber bi tewafa kenê te ve biherkin esmerê!

Na na, girî li te nayê esmer

Dêmên te ne warê reþkonên þînê ne.

Biken, biken

û bila bajarên xemgîniyê li ber kenê te serê xwe biçemînin

û hêviyên min ê bi kenê te ve girêdayî

bila helbesta eþqa kenê te her û her

bibêjin esmerê.