Welatê me - Ferînaz xesrewanî

Narîn Omer
narinomer76@gmail.com

Meyane tiliyên şevê
ji ramûsanên sipasiyê
mestyar dikê di peymangeha
mêbûniya dilpakiya te de
bang li evîniyê dikê û
bi hevre dilê te di "Tesnîm" ê de
pîroz dikin

Nimêjên hevdengiyê
di amojgeha giyanê te de
bilindtir dibin
Zumêna çiya bi nalîna te re
bê deng jiya
Kelha mêraniyê bi yek carê
xirecira halana xwe wenda kir
Ferînaz xesrewanî!
Çi nifir dikare reştariya
sitemkaran sergon bikê?
Çi ava gemar dikarê gemara
cendek û cînava bê ojdanan
veşêrê?
Tenê tu bûyî kelema xwestekên
bêcanan
Tu bûyî rêbaza evîniyê
di himbêza evîndaran de
silavên ji dilopên çavan bêtir
ji lehiyên deryaya bi leztir
ji giyanê te re.