ŞENGAL Û KOBANIYÊ DÎROKZÊ NE
Dîrok: ÇáÃÑÈÚÇÁ 29 ÃßÊæÈÑ 2014
Mijar: Nûçe




Merwan Berekat
Xewnan…
şemaq li ser çavên şevê xistin
                        pertewan silv daye.
Nîgaş….
bûn peyrewên
       sîmfoniya bilûrên payîbûnê


Elendê sozek da
hîn…
rengê kenê sibehê
                       ne diyar e.
Sing …
di sîngê demê de
                hatine daçikandin
hêdî… hêdî
reng dikenin
yektej e..
ne çartejî ye
              tevna me.
Roj …
bûne wek deşteke
ji bermayên gênim têr
                     û…
                     li refên çûkên birçî dipên.
Li dervî sînoran..
hêvî..
dî berîkên penaberan de
                               zîl didin.
Bahozî ne..
fincên Kurdoxiyan
weşeka xapînokiya Payîzê
li çavên beyabaniyan
                             vedigere.
Ey sedsala bîst û yekê..!
Ma qey..
te bîre Holako kiriye ?
Nîron…
    dûmana reş bû
stêrk nehatin nişkekuştin
            Roma mezin bû
                talan; ne dîrok e
                       Êşpîliya…
                            aheng li dar xistin.
Belê..
penaberên Afasosî vegeriyan
çavdêrê neh dilsozan
lingê xwe hilda
têêêr.. têr
         di ser gora..
              Diqliyanos de mîst.
Şopdujehî bûn
               Daryosî
neviyên Waşokanî
               bêşop kirin…
                          Daryos.
Tîrkevanek..
bû navbireke dîrokî
Skenderê mezin..
li ser..
çar daran vegerî
û Megedoniya
            lêvên xwe gezkirin
hîn û hîn…
Aras çîrokan diherikîne.
Tîtos…
rût kete zikê Senemdaxê
Hawar û Cûdî
            serbilind man
                           darmazî….
                                  hîn ber didin.
Heftê û du şevên tarî
di ya..
heftê û sisiyan de
                     reng vedidin
lê…
dengvedana bilûrên Nûraniyan
Sîpan..
Zagros..
Qendîl û Berzan
               gurgîn kirine
                       tolêstîn in.
Hîn…
memikên Naztiya
                ziwa nebûne
Pir Arîn hene.. pir
      hîn…
        ji şîr venebûne.
Tariya serdemên reş
di siha…
solên torînên
            Hem û Kerhê de
                          tên vegevizandin.
Hîn..
kila kildana Farona
               têrî çerxan heye
dilopên xwînê..
şêraniya çavreşan e
                  bûkanî li qadan e…
                                          şanazî ye.
Birûkevanan…
bi bijoyên genimê Sirûcê
çav kil dane
tiliya nîşanê dilîlîne
           govend û serhildan e
                          rûmet silogan e.
Vedenga…
hîrehîra hedbanê Dewrşê Ebdî                         
sîmfoniya eniyan e
gulîsoran jî…
         fîncan bi ser xwe ve kirin.
Zeviyên genimê sorik
di reş hilnetên
 gewre ne….
gozikên Helenc û Şêranê
Kobanê…
ne tenê strana Eyşa Îbê
                             pirbozan e.
Ax…
tê xelatkirin
                  aaax… ax
kesk dikene…. ezmên
            pîroz in... pakrewan.                
Ji bîr nebûye
          nexşeya çîxikirinê          
Hemedaniyan…
              ji xwînê…
                   şûr ko kirin
                          dîsa..
                          xençer vedibrûsin.
Navikên Keyxisrewiyan
li şûna..
simên hespê Zikreşê Alalaxî
hatine binaxkirin
                     îro..
                     darguvîjî zîl didin
Reş e..
gilîzê hovîiyê ye
                 ew paçik
Kufika dîrokê
li ber..
bayê gavên lehengan
                     li bereba dibe.
Ne pêr..
     duh bû
xwînrêjê Enfalan
ji qulemişkan hat kişandin
lê..
hîn sergoyê dîrokê
                 têr nebûye.
Ey sedsala bîst û yekê..!
Bipêçe xapînokiya xwe
           hatine şewitandin werîsên ji kevzê
Dilê duh bi îro maye
ez… li ber candanê ye
                 em dikene… em.
Nûdîrok….
seminaran li dar dixîne            
Amed…
li ser pêyan e
          serhildan e..
                 serhildan.
Wana tengijî…
hirsan pêl dide
tabloya geliyê Zîlan
         li bîr sîpan tîne
                     berxwedan e..
                                  berxwedan.
Qada Çarçiran...
bixçika pêncî û sê wesêkan
                                dilsoz e…
                                       hişyar e
Hewlêr çîk dide
              hêzvejîn e
Sozdar e..
        Silêmanî
              Nûjiyan e.                          
Çêl milyên hêvî..
Kobanê û Şengal in
lîlîna..
li ser zimanê Dicle
               kelecana Sundis in
Ne çavlirê
li ser rê ne
dikeyînin...
         roj û şevan
               hevsarê dêwan
                          tê veçengandin
Pirs hiltên
nema…
  bersiv likumî dizên
ne sêwî ne
lêdana…
dilê çar guvdeyên
                           yekdil in…
                                Kobaniyê û Şengal.
Kujerên jînê..
raman ji sistema
              mîza deveyan e
riswatî bi tirs e
ku…
ji wan riswatirîn bibe
talan….
       ne dîrok e
duh… nazêvre
îro… avis e
siberoj dizê
hevcêwî ne…
Şengal û Kobaniyê
                         hevcêwî ne.
 
Agirê zorê…
bi dawa diya xwe ketiye
berxwdan çîk dide
dijene..
ji nû ve
dema Xoriyan
              ratgo dipeyive.
Hêrsa Avdaran
                pêlvedjîne
ma ne…
gurgîniya lêmêştan
nijiyan hilpesarte
                 Cûdiyê pêdar.
Dengê bêsînor
bilûra..
       li ser lêvên têrxwîn e
Pakrewaniya çavreşan
rûmeta mêrxweziyê
     û asoyekî têêêr keskesor e.
Nexşeya şoreşê..
di zîndana  demê hilnetê
                        na hilnetê.
Şengal û Kobaniyê…
                Gewre ne…
                              Gewre.






Cihê ev nûçe jê hatiye: Welatê me
http://www.welateme.net/kurdi

Ji bo vê nûçeyê navnîşan:
http://www.welateme.net/kurdi/modules.php?name=News&file=article&sid=3857