Ezê  qeşaya temen bişkînim
 Ocaxa dilê te de bi helînim
Pasimbareke sor
 Bi heftê û sê deqên reş
Li zenda te badim
Ezê hilmek Laleşî di cegera te de berdim
...
Bihna sîng û berê min
 Hewarê bighînê sikrata dawî
Hêsirek poşmaniyê
 Berdim çavê  umêddar
Peşkek xunava lamika
Biguvêşim rayên ziwa .
Bera dilê  westiyayî bipişkivê
...
Çirûskek şiyan berdim çogên te
 Yên şikestî
 Li pey leylana evîna min.
Çipikek jiyan berdim qirrika te.
Ji nav nivîna mirinê bi peke
Baskên xwe li bayê hêviyan bide
...
 Min nameya Bihriyên te xwend
Bê ruhniya canê te ezê kor bimînim
Xerîbo ...
Ez xwediyê te me
Were  ezê mizgîniya derçûna te
 Di ezmûna eşqa min de radestî te bikim.
...
Hilkişe  textê padîşahiya  hezkirina min.
Taca evînê bi herdû destan li serê te bikim
Gerdenîkek gul di stûyê te re derbasbikim
Were ez tebîba curha te me
Ez hebîba dilê te me
Ez nisîba dunya te me
Dem dereng e
Were da Seyda te hembêz bikê.
Dîlok: 06.02.2019