Bi beşdarbûna cemawerekê berfereh, kesatiyên navdar û şandên partiyên kurdî li devera Dêrika Hemko,îro nava rojê termê girêlayê Partiya Karkerên Kurdistanê(PKK) şehîd Behzad Zuhrap, di cihê xwedêdana wî de li goristana gundê Kortepanê, hate veşartin.
Di rê û rismên veşartinê de,çend gotin hatin xwendin û di nav re çend helbest jî li ser jîn û jiyana şehîdî hatin pêşkêşkirin, tevaya gotinên hatîn xwendin balkişandin li ser giringiya yekkirina gotara siyasî ya kurdî û ji nû ve raxistina navmala kurdî di vê dema nazik û hestyar de,ew dema ku dijminên miletê kurd,kurdan dikujin û kurd bi xwe jî li hev nakin û ji hev cudadibin, û her dîsanê mafê rewayê gelê kurd, qurbaniyên ku vî gelî di ber vê xaka pîroz de dayîn û pêvajoya xebata wî ya bê rawestan,hate berçavkirin û nîşanên qelsî û lawaziya dijminê kurd jî, dane xuyakirin.
Destpêkê xwestin dayîka şehîd û bavê wî,wî di dîtina dawiyê de bibînin û xatiran jê bixwazin,lê belê berî ku dayîka wî,wî bibînê dilê wê bihorî û xureha erdê û bi wê dîtina dawiyê şa nebû,ew jî bû kulek di dilê wî de û tevlî deryaya kul û kovanên wê bû.
Di peyre gotin hatin xwendin
Gotin,helbest û birûskên ku hatin xwendin û pêşkêşkirin:-daxwaza bavê şehîdî
-gotina malbata şehîdî-mamosta bavê Hêmin
-gotina Partiya Yekîtiya Demoqrat (PYD)-nûnerê (PYD)
-gotina Partiya Demoqrata Kurd li Sûriyê (Alpartî)-mamosta Nisredîn Birhîk
-gotina Partiya Azadiya Kurdan li Sûriyê-mamosta Mihemed bavê Nado
-gotina Partiya Yekîtiya Demoqrata kurd li Sûriyê(Yekîtî)
-gotina hevalê şehîdî
-gotina Saziya Biratiya Gelê Sûriyê
-gotina Dayîkên Şehîdan
-gotina Dayîkên Aştiyê
-gotina Koma Ahîn ya Folkolorê Kurdî-mamosta Ehmed bavê Şehab
-gotina Yekîtiya Sitar
-gotina Saziya Şehîdên Kurdistanê
-gotina ciwanên Azad
-birûska Rêxirawa Maf
-birûska Malpera Welatême .net
Hêjayî gotinê ye ku şehîd Behzad û bi şeş hevalên xwe ve,li roja (11) vê mihê, di şikeftekî de li dora bajarê Amedê bi destê caşekî kurd hatin jehirdan û di encaman de, ewî û her şeş hevalên xwe canên xwe jidestdan û tevlî kerwanê şehîdên kurdistanê bûn.
