Konê Reş
Çendî tu ji xwe bawer bû, ji miletê xwe piştrast bû..
Dema te kelek berda nav deryaya kul û xeman..
Ey serokê welat, welatiyê serok..
Barzaniyê nemir!
Zindiyê her dem û warî, birêzê wate û şirovekirinê..
Asoyê dûr û dirêj, dengê birûsk û tavan, hêviya mişextî û penaberên ku, çavnêrên sibehên welat in, silav, silav li te bin.
Silav li te bin, ey simbola lehengî û afirandinê..
Mêzeke, mêzeke! Va kevok bi aştî di asmanê welat de
Di firin, darzeytûn bi geşî di pişkivin û bilind dibin, rok bi ken
Di asmanê welat de xuya dike...
Silav, silav li te bin, sermelekê pêşmergeyan, serokê welat,
welatiyê serok BARZANIYÊ NEMIR
Qamişlo, 01.03.2014
