Welatê me - Karê Dinyê Welê Ye

Di roja 04/12/2006 de diya min (Şêxa Tahirê Hisên) çû ber dilovaniya Xwedê, min jî ev çend gotin li ser wê gotine:

Şêxa Tahirê Hisên

Ji nav me daye rê ye

Ew dayikek ciwan bû
Şêx Cibir kalê wê ye

Kalo bi ûcaxên xwe
Tu lê bike rehmêyê ye

Diya me pir şêrîn bû
Rihstîn kete rê ye

Canê nazik jê stand
Ew qedera Xwedê ye

Bi hêvî bû bibîne
Fewaz tê ji oxirê ye

Lê sed heyf û xebînet
Karê dinyê welê ye

Dinya baqê nîvciye
Kes namîne li wê ye

Penceşêra bê derman
Xwe berda hinavê ye

Ne di çax û deman de
Ew bir ji vê dinyê ye

Mal xweşe bi dê û bav
Stûna malê dê ye

Oxir be ey diya min
Berê me jî li vê rê ye..

CANÊ
Qamişlo14/12/2006