Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Helbest u pexşan: QAMIŞLOKA SEYDAYÊ PAKREWANAN

 


Siyamend Brahîm

Dipirsim ez bê keskayiya jiyanê bi çi rengî derbasî şaneşîna Qamişloyê  bûye؟
Qamişlo bi  serfiazî radihêje mistek ji axa gora te ya pîroz û bi mizgîniyên sibehên xewnedar dipêçe
hey bajarê  di şaneşîna wejd û furaqê de vehesiyayî
hey bajarê li peravê Cexcexê birîndar veziliyayî
hey bajarê ku kevza rojan   li ser singa te xilmaş bûyî
hey bajarê stêrên geşbûnê li asmanên wê xwe digevizînin


li asoyên matbûna sed salan radizên
xewn xilmaş bûn
kovanên sînorên bê sênor qetiyan
razên xwe wê ji kê re şirove bikin
kurdunde ne
wekî gulekê bi bêzariya êşa Mem û Zînê pêçaye
raweste Şêxê min
sêla ziwabûna deverên (Qmişloka) rengîn
te bi canê xwe yê keskîn  raxist
keskayiyeke ji keviyên valahiya têkçûna lehengê baweriyê rizgar nabe
gelo kî bû ji karwanên windabûnê re dibû ronîdar
Kîye  siwarê sile[ siwarê   ji rokê re
afsanên lehengiyê li ser rûpelên mertalên polakirî rist dike
kurdo ji pey çiya tu war te naparêzî
tu li ku yî?
vame ezim Kawayê sînorê taristanan vedimirînim
kî ye ku  bi nenûkên xwe radhê jî perda êşê
û li seranserî gerdûna birçî şîva dawî pêşkêş kir
te bi lez berê xwe ji me guhert
çima 
tu çawa xemgîniyên  xwe  dipêçî!
 tu dizanî 
azadî neynika roja felatê ye
azadî heyva çarde salîye
ahengeke di şaneşîna perîzadên pîrozin
girtî li dergehên tenahiya zindanan dixe
Tirs  di tazîbûna payebûnê de çikandiye
ew êmîşên rojên min yên xweş dimijin
hey Qamişlo
hey Qamişlo
kî ye ؟ ew ê dîlana azadiyê di bênderên geşbûnê de radixîne
berba bike
bi fermîskên zarokên Helepça de dipêçe
bi nazdarî paqijke
gelo çawa her sibehkê tu dinalî[
di gel şîh şîha berbanga dengketî
berbangekê de 
 şîh şîha hespê sile
ji nuh ve Gornîka tê bîra wî
xuydana salên germ digel berxwedana lehengiyê distrê
qet nêzîkî çirîska wê biybanê nebe
tenê ev  rêçik behna  qurnifilan jê tê
ev behn jê nare
ta ku kurahiya valebûnê sermst bibe
û di quncika dîroka windayî bigere
Qamişloka min venişe

 
Ji nuh ve hatiye nivîsandin 29  5 2008
siyamendbrahim@gmail.com  

 
Gotar Nerîne Xwediyê Xwene
 

Puanên Nûçeyê

Asta Dengan: 3
Bi Tevahî Deng: 1


Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark