Dil şaye, tevî ku serkeftina Partiyê Aşîtîxwaz ne weke dil dixwest hat, lê ev gaveke başe û ez hêvîdarim ku Partiya KESKAN( die Grünen) li Bîr û Baweriya xwe xwedî bimîne û bêje :

ji Îro pêde polîtîka Hukumeta Elman yê derve wê ne serberdayî be, wê kontrolek li ser hebe, ew jî wê bihêle ku Kolîdarln Milletê Kurd û yên hemû Cihanê jî ne weke ta Îro vê Hevsar bimînin!.
Tevî ku hêza Lobî yê Neyarên Kurdan di nav partiya sosyelîstê Demoqrat(SPD)  de xurte, lê çiqas be wê Polîtîka Hukumetek Elman nuh bi rêberiya Keskan û sosiyel demqrat wê ne weke Hukumeta xanim Mêrkil di warê polîtîka derve de serberdayî be.
Lê, divê em bizanibin ku Hukumeta Almanya ya nuh were di destê kê debe wê xebata bi cih anîna bercewendiyên Welatê xwe li gora programa xwe û li gora dem û mercên Navdewletî cih bi cih bînin.
Divê xew nekeve Çavên Kurdan û li bende nemînin ku Partiyek Elman weke Partiyê Keskan( die Grünen) jî wilo ji ber Kurdan ve dijminatiya Kolîdaran bike.
Pir, hindik wê li gora demê Goft û go li ser Mafê Kurdan û parastina Ziman û Kultûra Milletê Kurd bikin, li ser Girtiyan di Zindanên Tirkiyê û Îranê bi axêvin, lê îro li Cihanê diyare ku her tiştek bûye Bazarê Dayîn û sitandina Bercewendiyan û ramanên mirovatî,demoqratî û Mafê Milletan car carna ji wan Bercewendiyan re dibin gorî û qurban.
Divê Rewşenbîr,xwendevan, Polîtîkvan, Rojnamevan û Hunermend her li Pirsgirêka xwe bibin xwedî û bi Hiş,Guh û Çavên xwe hilsa bin.
Divê em li gora demê bin,her gav şiyar bin,Lobî pêkbînin,bêjin û bi zimanê Almanî kar û xebata xwe bikin ku Pirsgirêka xwe herdem BI Bîra wan bÎnin bi wan bidin zanîn û baweriya wan bi mafê Milletê Kurd bînin.
Dost ji mere pêwîstin, dijminên me gelekin.
Şiyarbûna netewî li penaberiyê çeka parastina Kesayetîya meye,Namûsa meye, Jiyaneka bi rûmet bê Nasname ne jiyane.
Dema em bûn Kurd û me Kesayetiya xwe weke Kurd biparêzin,bi Almanan da nasîn ewê jî Nasnama me bi Qedr û Girabuha bigrin.
Dema em Zarokên xwe rêkin dersên bi Kurdî,dema em xwedî li Dîrok,Kultûr û Kesayetiya xwe derkevin, wê Demê Civata Alman wê bi rêz û bi çav bilindî li Pirsgirêka me temaşeke.
Eger em destê xwe bidin hev û li Mafên xwe xwedî derkevin, Berpirsiyarên Alman jî wê piştgêriya me bikin.
Îca, çareser kirina Pirsgirêka me ji mede dest pêdike, divê em weke yek Hêz bin, da Karbidestên Alman jî me weke Hêzekî beşdar bibînin.
Para me di Mercên Hilbijartina Parlemanê Almanê Feferal wê hebe eger em li Almanya weke Civatek Kurd yek dest, bi yek deng,yek raman xwe nêzîkî hevbin û xwe wilo jî bidin nîşan.
Li Dawî gotinek xweş Buhara Dile:
Ez Kesên Kurd ku di hilbijartinê de serkeftine pîroz dikim û dibêjim wan:
Her bi sebilindî û pêşketin bijîn.
27.09.2021