Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Nûçe: Hevdîtin li gel Partiya Kesk a Elmanya

 


Îro, Pencşem 22. 03. 2013 ji bo Efrînê hevdîtinek di avahiya perlemanê îyaleta Niedersachsen a Elmanya de,li gel şandeke perlemanterên partiya Kesk a Elmanya, hat girêdan.
Ji hêla partiya Kesk de ev kesan beşdarên hevdîtinê bûn:
Istêfan Korner. Serokê Partiya Kesk ê îyaleta Niedersachsen.
Anya Pîl. Seroka gurûpa partiya Kesk di perlemana îyaleta Niedersachsen de.
Kirîstiyan Mayer. Cîgirê seroka gurûpa partiya Kesk di perlementoya îyaleta Niedersachsen de.
Lole Şimît. Seroka beşa yasayî ya partiya Kesk.
Bîlîk Onay. Berpirsiyarê polîtîka hundirîn û ewlehiyê.


Ji hêla Efrînê de ev kesan beşdarên hevdîtinê bûn:
Heyder Omer, Tengezar Marînî, Mîdas Azîzî.
Pêşî serokê şandeya partiya Kesk pêşwaziya me kir, û bi navê hevalên xwe mixabinî bo belaya Efrînê da xuyakirin. Di pey re me nexyşeya Erînê raberî wan kir, ku ji şeş salan de herêma Efrînê hatiye dorpêçkirin, ji hêlên bakur û rojava de, Tirkiyeyê, û ji hêlên rojhilat û başûr de gurûpên radîkalên misilmanan ew dorpêc kirine. Her weha me Efrîn wek bajar û herêm û gundewan, bi wan dane naskirin, û em li ser rewşa dawî ya talana rêjîma Tirkiyeyê û çeteyên rikberiya erebî bi ser herêma Efrînê de hanîne jî axifîn, û wêneyên qurbaniyên sîvîl û dizîna ku li Efrînê bû ye, şanî wan kirin, wêneyê herdu alên Tirkiyeyê û Daîş li kêlek hevdu jî di nav de, wek nîşana hevbendiyan rêjîma Tirkiyeyê û Daîş. Her weha me ji wan re da xuyakirin, ku tirsa me ew e, ku Efrîn tûşî guhertinên dîmografîk bibe, ji ber ku Erdogan di axaftineke xwe de weha çûye, ku ew dê Efrînê radestî xudiyên wê yên resen bike, em texmîn dikin, ku di vê xalê de ew behsa penaberên Sûrî, yên li Tirkiyeyê dike, hejmara wan jî wek û ku ew dibêje 3 milyon û 5 sed hezar kes in, û xelkên deverên Sûriyeyê yên cuda cuda ne, lê ne xelkên Efrînê ne.
Di pey vê re şandeya partiya Kesk a Elmanî hinek pirs ji me kirin. Heyder Omer bersivên pirsên li ser devera Efrînê zelal kir, û Mîdas Azîzî û Tengezar marînî jî bersivên pirsên li ser rewşa siyasî, û çima rêjîma Tirkiyeyê piştî heft salên kirizeya Sûriyeyê, da ser Efrînê, zelal kirin.
Xalên ku ji hêla me de mijara gengeşî û axiftinê bûn:
1.    Alîkariyên mirovane.
2.    Vegera xelkê bo malên xwe, bi dabîniya navdewletî.
3.    Vekşandina artêşa tirkî û hemî gurûpên radîkal ên misilman.
4.    Rawestandina kavilkirina bajarê Afrînê û gudewaran, û dizînê û berdêla kelûpelên hatine dizîn.
5.    Şandina gurûpên pisporên mayînan bo Efrînê û gundewaran.
6.    Hevkarî li gel rêxistinên xortan, û perwerdekirina wan bo alîkariya mirovane.
7.    Hevkarî li gel sazî û rêxistinên navdewletî wek Xaça sor a navdewletî bo alîkariyê.
Ewan jî dan xuyakirin, ku wê ji bo van xalên jêrîn kar bikin:
1.    Pêşkêşkirina alîkariyên mirovane di riya Xaça sor û rêxistinên mirovane yên navdewletî re.
2.    Dê li ba hukmeta Elmanya bo van yalên jêrîn kar bikin:
a.Divê artêşa Tirkiyeyê û gurûpên misilman ên radîkal ji Efrînê û gundewarên wê bêne vekşandin.
b. Pisporên mayînan bo Efrînê bêne rêkirin.
c. Zextê bidin ser hukmeta Tirkiyeyê, da karên qerêj û dizîn û talanê rawestîne, û kelûpelên, ku hatine dizîn, bo xudiyen wan, vegerîne û berdêla wan kelûpelan bide ziyankêşan, û miştextiyan bo warên wan vegerîne.
d. Da humketa Elmanya nexwaş û birîndarên, ku nexwaşî û birînên wan xeddar in, bîn li Elmanya derma bikin.
3. Dê li ba hevalên xwe, berpirsên alîkariyên mirovane, ku endamên perlemana Elmanyayê ne, kar bikin, da hevdîtinekê bo me li gel wan girêdin.
4. Dê li ba perlemana yekîtiya Ewropayê kar bikin, da hevdîekê bo me li gel wan girêdin,


 
Gotar Nerîne Xwediyê Xwene
 

Puanên Nûçeyê

Asta Dengan: 0
Bi Tevahî Deng: 0

Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark