Hevalo! Em miletekî béwijdan, sextekar ü derewçîn in…! 
Tu zanî çi qas em dijminên hev in, ji hev hez nakin…!
Di saxiyê de em gora hev dikolin… 
Tu Kurdekî hezkerê Kurdekî nabînî…
Guh nede ev gotinên ko em di mirinê de li ser hev dibêjin … 
Ew rûyê me ê derewçîne hevalo…!
Heman hinek ji evan kesên ko xwe li ber te….dixin, eger tu bi saxî di tengayeké de bidîtina, bi destê te nedigirtin… 
Ji rewşa xwe binase! Kê ji me seredana te li nexweşxaneyê kir? 
Çend şevan em ji ber serê te ranebûne…?
Bizane, rastî tehl e… Guh li nivîsên me neke, tu mirî yî, em ê pesnê te bidin… 
Di saxiya te de bûya ü tu di ber me re biçûyayî me yé xwe ji ber te veşarta.. 
Bila me nebîne hey tiştekî ji me bixwaze…!!!
Nuha sextekaran bi te bihîst ko tu helbestvanekî hêja yî…!!! 
De ne xem e birako… 
Kurdek û du Kurd biçin, li bal me derewçînan bîna hev in… 
Oxira xêrê be…

26.11.12
Eziz Xemcivin
Heyfa siwaran ko ji hespé jıyané peya dibin...
Ji bo hevalé min î helbestvan Arşev Oskan…

Dixwazim bêm..
Tizbiya bîranînan morîk bi morîk 
di guldanka hevaltiyê de em parve bikin… 
Bila çavên me bi hev re 
axaftinên çivîkên şahiyê bi şêraniya dilê te 
ji cihanê re biguhêzin…