Wê herdû beş bibin rêz li pey hev bisekinin lê biqasî şeş mitra wê di nav bera herdû beşan de valeyî hebê.
Wê endamê lîstikê hemî destê xwe giroverbikin û deynin pêşiya çavê xwe (wek dûrbînê) wê yek ji beşê ku li paş sekiniye herê serê xwe bidê pişta yekê ji beşê li pêş sekinî.
Dema ku wî serê xwe da pişta wî gerek ew bi meşê lê çênabê ku ew li dora xwe binêrê da ku nizanibê kiye wî dajo û wê ewê dî wî bajo ta ku hevalek wî bêjê kerkê kerbajo bes hevalê min bajo. Dema ku ev gotin hate gotin divê biseknin.
Li vir gerek yê ku serê xwe dabû pişta endamê beşê dî. nas bikê kîbû got kerkê kerbajo hes hevalê min bajo. Heger ku yê di hate ajotin naskir kîbû ew dajot wê hevalekê wî werê bi herdû lingê yê ku ew dajot bigrê û wê yê ku di meşî li ser pişta yê ku serê xwe dabû pişta wî ta ku bighin ciyê ew jê meşîbûn lê heger ku wî nizanî ew kîbû ew dajot wê serê xwe dabû pişta wî li ser pişta wî rûnê û wê hevalekê wî werê bi herdû lingê wî bigrê û wê ew li der destê xwe herê ta bighê ciyê ku jêhatîn...