Sereke | Beşê Erebî | Beşê Çandî | Gotarekî Rêke | Erşîv

Sereke

Ger



 

 
 

Rojîn li ser TRT6ê: Ez weke «kuçikeke bernameyê» bûm

 


 Piştî biryara rawestandina karê xwe di kanala trikî TRT6ê de, hunermenda binavûdeng Rojîn bi dijwarî êrîşî xebatkarên TRT6ê dike. Di hevpeyvîneke taybetî de ji bo beşê kurdî yê radyoya elmanî WDR - Funkhaus Europa Rojîn got ku berpirsên TRT6ê "li ser Kurdan qet tiştekî nizanin û bi çavên dijminayetî li Kurdan dinerin". Rojîn vekirina TRT6ê weke "gaveke dîrokî" bi nav kir, "lê divê hikumet van mirovên bi qirêj di hundirê vê kanalê de paqij bike, da ku mirovên ku bi kurdî baş dizanin û hertiştî wekî sucekî nebînin û Kurdên ku ji van îşan fêm dikin, bînin".


Çend rojan piştî ku wê ragihand ku wê dev ji TRT6ê berdaye, Rojîn ji bo yekemîn car bersivê dide alaveke ragihandinê. Di hevpeyvîneke bi "Bernama Kurdî" re, ku li Elmanyayê tek bernameya radyoyê ya fermî ya bi zimanê kurdî ye, Rojîn diyar kir ku ew ne poşman e ku wê ji TRT6ê re kar kir. Wê TRT6 wek "tiştek baş" bi nav kir, ku divê "ew der bê paqijkirin, ku mirovên ku bi çavekî din li me nanerin, têkevin wê derê". Rojîn eşkere kir ku dema wê dest bi karê bi TRT6ê re kir, wê dizanîbû ku wê "hinekî sansur hebe, ji ber ku TRT6 kanala dewletê ye". Wê berdewam kir û got: "Lê min bawer nedikir ku wê sansur bi vî awayî bibe. Kesên di TRT6ê li ser Kurdan qet tiştekî nizanin, tenê dixwazin pera qezenc bikin û kar bidin kesên derûdora xwe."

Stêra muzîka kurdî Rojîn piştrast kir ku li Tirkiyê "li her derê" sansur heye, "lê divê sansurek wilo nemîne, ku xwediyê bernameyê xwe wekî kuçikeke bernameyê nebîne".

Bernameya "Rojîna me", ku di hefteyê de pênc rojan dihate weşandin û ji aliyê Rojîn ve dihate pêşkêşkirin, bernameya herî naskirî bû di nav bernameyên TRT6ê de. Berpirsên TRT6ê ragihand ku ji ber Rojîn bê destur neçûbû kar, wan biryara avêtina wê ji kar daye.

Tevaya hevpeyvîna bi Rojîn re dikare îroj di Bernama Kurdî de bê guhdarkirin. Bernama Kurdî her yekşem ji seet 18:05 ta 19:00 (li gorî dema Elmanyayê) weşana xwe dike. Hevpeyvîn herweha dikare di malpera bernameyê de bê guhdarkirin:

http://www.funkhauseuropa.de/sendungen/bernama_kurdi/
.

Jêder: amude.com

 
Gotar Nerîne Xwediyê Xwene
 

Puanên Nûçeyê

Asta Dengan: 5
Bi Tevahî Deng: 1


Ji kerema xwe re kurtedemeke xwe bide vê dengdanê:

Herî baş
Pir baş
Baş
Ne xirab
Xirab

Vebijark